Argazkian, Antolin eta Aierdi Iñaki Goirizelaia EHUko errektoreak eta Juan Ignacio Perez Iglesias errektore ohiak lagunduta.
Herrirak elkartasuna eta babesa helarazi die gaur egunotan bi euskal deportatu politikoei ikasteko eskubidea bermatzeagatik epaituak izan diren Xabier Aierdi eta Enrique Antolin EHUko irakasleei.
Prozesu judizial honek ez du inolako zentzurik, denboraz kanpokoa da eta ulertezina oinarrizko eskubideen errespetuaren ikuspegitik. Euskal preso, errefuxiatu eta deportatu politikoen eskubideak errespetatuak izan behar dira, horien artean ikasteko eskubidea noski.
Beraz, epaiketa hau bertan bera geratu, irakasleak absolbitu eta preso, errefuxiatu eta deportatu politikoen ikasteko eskubidea aldarrikatzen dugu. Herrira mugimenduarentzat, guzti honekin amaitu eta aurrera egiteko errezetarik onena euskal presoen eskubideak errespetatu eta konponbidea eta bakea eraikitzea da.
"Eman euskara elkarri" lelopean, bihar abiatuko da aurtengo Korrika,
hemezortzigarrena, Andoaineko Martin Ugalde kultur parketik, 16:30ean; hamaika egunez Euskal Herria zeharkatu ondoren
hilaren 24an Baionan amaitzeko. Algortara, hilaren 22an, ostirala, helduko da Korrika, 14:00 aldera. Herri, hiri, auzo, bailara edo eskualdetik pasatzerakoan, euskal preso eta iheslari politikoei euskara ematera deitu du Herrira mugimenduak.
Korrikaren ordutegiak Uribe Kosta eta Erandion:
Erandio udalerritik birritan
igaroko da Korrika. Batetik, martxoaren 21ean, osteguna, Sondikatik
helduko da 17:10 pasatxo Asuara, San Inazio (Bilbo) aldera egiteko 17:35
inguruan. Hurrengo egunean, hilaren 22an, ostiralarekin, berriro
Erandion (Altzagan) sartu 12:15ean itsasadarra zeharkatuta eta Leioa,
Itzubaltzeta / Romo, Algorta, Berango, Sopela, Barrika, Plentzia, Gorliz
eta Urduliz zeharkatuko ditu euskararen aldeko lasterketak. 17:35
inguruan joango zaigu, Laukizera bidean.
Argazkian, ikasle presoen aldeko mobilizazioa Leioa eta Erandioko campusean / cc-by Ukberri.net.
Astelehen honetatik aurrera epaituko dituzte
Bilbon Jose Enrique Antolin Iria eta Xabier Aierdi Urraza EHUko
irakasleak, bi deportatuk egindako ikasketengatik, besteak beste, Ukberri.net agerkati digitalak zabaldu duenez. Prebarikazio-delitua egotzita, lan-egiteko
edo kargu publiko bat betetzeko 8 urteko inhabilitazioa eskatzen dute
irakasle bakoitzarentzat. Akusazioaren
oinarria ondokoa da: 1992/1993 eta 2001/2002 ikasturteetan, bi
deportatu politiko matrikulaturik egon ziren EHUn, Egoera Bereziko
Ikasleen Sistemaren barruan. Epealdi horren zati batean, Antolin Gizarte
eta Komunikazio Zientzietako Fakultatearen dekanordea izan zen eta
Aierdi tutorea. Horrenbestez, Cabo Verden zendutako Angel Lete Etxaniz
ustezko etakideak Filosofia eta Zientzia Politikoak egin zituen, eta
Dominikar Errepublikan zen Belen Gonzalez Peñalvak Zientzia Politikoak.
Euskal Herriko Unibertsitateko gaur
egungo errektoretza taldearen, aurreko errektoretza taldearen eta
unibertsitateko ikastegietako dekanotza zein zuzendaritza taldeen
ordezkaritza zabal bat epaitegira hurreratuko da astelehenean (Buenos
Aires kalea, 6), goizeko 9:30etan, Antolin eta Aierdiri babesa eta
elkartasun osoa adierazteko. EHUko Gobernu Kontseiluak aho batez onartu
zuen, 2012ko irailaren 27ko batzarrean, bi irakasleei sostengu osoa
adieraztea. Beste horrenbeste egin dute unibertsitateko 1.033 irakasle
eta ikertzailek, izenpetutako manifestu baten bitartez, Naiz.info agerkariak zabaldu duenez. Epaiketarik ez! Ikasteko eskubidearen jabe, euskal preso, iheslari eta deportatu politikoak herrira!
Argazkian, presoen aldeko ekimena Berangon / cc-by Ukberri.net.
Aurrekontuak onartzea ahalbidetzeko presoen senideei laguntza kentzea baietsi du Berangoko EAJk, Ukberri.net agerkari digitalak zabaldu duenez. "EAJk landutako aurrekontuetan aurreikusita zegoen
ETAren senideei bidaiak ordaintzen laguntzeko diru-partida ezabatzea
lortu du Berangoko PPk", adierazi du Lola Malo de Molina tokiko
popularren tokiko bozeramaileak, komunikabideetara helarazitako prentsa oharrean. Hori horrela, biharko udal osoko
bilkuran Alderdi Popularra abstenitu egingo da kontuen bozketan, horiek
onartzea ahalbidetuz. Malo de Molinak aipatutakkoaren arabera, "espetxe
ezberdinetan beraien familiarrek ETAko presoak bisitatzeko 14.161 euro"
aurreikusten zituen jelkideek aurkeztutako aurrekontuen zirriborroak.
Berangoko PPko eledunaren iritziz, "gehien behar dutenen beharrizanak
asetzea eta horiek lehenestea suposatzen du aurrekontuak lantzea". "Diru
publikoa horrelako bidaiak ordaintzeko nola bideratu dezakeen helarazi
genion EAJri", gaineratu duenez. Malo de Molinaren hitzetan, "sen
onekoa" da diru-partida hori kentzea, eta hurrengo urteetan "berriro
sartzea pentsatu ere ez izatea" espero du.
Etxerat
euskal preso, iheslari eta deportatu politikoen senide eta lagunen
elkarteak XII. Nazio Batzarra burutu zuen atzo Leioa eta Erandioko campusean. Urteroko hitzordu horretan, heldu den urteari begirako lan
ildo nagusiak eta eginbeharrak finkatu zituzten, 197/2006 dotrinaren
aurkako borroka lehenetsiz. Era berean, Espainiak Ines del Rio presoaren
auzian salbuespen neurri hori mantentzeko jarritako helegitea
Estrasburgoko Europako Giza Eskubideen Auzitegian aztertzen hasiko
direla, martxoaren 20ko dataren inguruan lan egitera deitu dute. Egungo
egoeraren diagnostiko atalean, "senide eta lagunok behin eta berriz argi
utzi dugun bezala euskal preso politikoen egoerak okerrera egin du",
azaldu zutenez. "Euskal jendartearen gehiengoak Bilboko kaleetan
erakutsitako nahia eta egindako eskaera ez da bete. Horren lekuko
direlarik gure senide presoek bizi duten egunerokoa, iheslari eta
deportatuen egoera eta gure bizipenak. Mendekua besterik bilatzen ez
duen espetxe politika anker baten ondorioak sufritzen ditugu guztiok;
baita guk geuk ere, politika honen helburuetako bat baikara", salatu du
Etxeratek.
Sarrerak salgai daude jada Algortako Amnistia tabernan, 14 eurotan.
Prestaketa lana oso aurreratuak daude eta sarrera asko eta salduta
daude, oraindik hilabete baino gehiago falta den ekimen honetarako.
Arrakasta ziurtatua dago beraz aurtengo edizioan ere. Kalerarock
ekimenaren bidez musika eta elkartasuna lotu nahi dituzte
antolatzaileek, bertan ateratzen den dirua espetxe politikak eragindako
gastuak arintzeko izango delarik.
Aurtengoan Betagarri, Arcada social, Kop, Vendetta, Iheskide, Hesian,
Kaottiko, Gozategi, Gatibu eta Governors taldeak izango dira
protagonista.
Abenduko Azken Ostirala dugu urtean
zeharreko ekitaldirik
berezienetakoa. Aurten ere elkarretaratze deigarria, polita,
hunkigarria... egin gura dugu, preso eta iheslariak gure artean behar
ditugula aldarrikatu eta, bide batez, senideei herritarren babesa eta
berotasuna helarazteko, gatibu zein familiarrentzat horren berezia
izaten den urteko garai honetan. Horregatik, zuengana jotzen dugu beste
behin ere, ekitaldian parte-hartzeko gonbitea eginez. Elkarretaratzea
20:00etan izango da bihar Algortako Telletxe plazan.
Bestalde,
urteko azken egunerako, abenduaren 31rako, beste ekitaldi bat prestatu
dugu. Triki-poteoa eta brindisa egingo ditugu: 19:00etan jarri dugu
horretarako hitzordua, Amnistia tabernan.
Bihar zein astelehenean elkar ikusiko dugulakoan, ondo izan.
ALGORTAKO HERRIRA BILGUNEAREN TALDE DINAMIZATZAILEA
Gabon egunetarako hainbat ekitaldi antolatu ditu Itzubaltzetako Herrira bilguneak. Tartean, igande honetarako, abenduak 23, Villanublako (Valladolid) espetxerako autobusa antolatu dute, bertan preso dagoen Iñaki Gonzalo Casal "Kitxu" herrikideak entzun ditzan. Horrenbestez, goizeko 8etan abiatuko dira Itzubaltzeta / Romoko Sabecotik. Aurretik eman beharko da izena, Branka herriko tabernan. Getxo irratiko eta Egin irratiko kazetari
izandakoa 1994ko urriaren 25ean atxilotu zuten Areetako Bizkaiko Zubiko
plazan, Andoni Muñoz urduliztarra, eta Algortako Iñigo Otazua "Oti" zein
Angel Figueroarekin batera. Ekintzarik burutu ez zuen Lanbroa komandoko
kideak izatea leporatu zieten lauei, 30 urteko zigorra ezarriz.
"Kitxu"-k hainbat liburu idatzi ditu espetxean.
Egitaraua:
Abenduak 23, igandea
08:00 Valladoliden Kitxuk entzun gaitzan busa (izena eman aurretik Brankan), Sabecotik abiatuta. Abenduak 24, astelehena
20:30 Olentzeroren kalejira herrian zehar, Brankatik.
Abenduak 28, ostirala
20:00 Urteko Azken Ostiraleko elkarretaratzea. Abenduak 31, astelehena
20:30 Preso eta iheslaririk gabeko Urte Barriaren aldeko brindisa, Gobelondo eta Aurrezki Kutxa kaleen kantoian.
Argazkian, Xabier Makazaga iheslariak bideokonferentzia bidez parte hartu zuen Ataramiñe elkartearen uzta berriaren aurkezpenean, azaroaren 27an / cc-by Ukberri.net.
Gabonen inguruan prestatutako euskal preso eta iheslari politikoen
aldeko ekitaldien artean, bihar, osteguna, "Ataramiñe'12" idazlan kolektiboaren aurkezpena hartuko du Eztabaida Guneak,
19:30etik aurrera. Horrekin batera, Bruselan dagoen Xabier Makazaga
iheslari zarauztarrak bideokonferentziaz eskainiko du "Errealitatea eta
fikzio gatazka politikoan" izenburuko hitzaldia. Hain zuzen ere,
Makazagaren "Sasian barna" argitaratu du aurten Ataramiñe elkarteak. Gogoratu, bihar, Adierazpen Eguna ere izango dela. Hartara, ikastetxean, lanean edo kalean zaudela, urtarrilaren 12ko Herri Mobilizazio Orokorreko pegatina eramatera gonbidatzen zaitugu. Gainera, horri jarraiki, "Euskal presoak Euskal Herrira! Euskal presoak lantokietara!" lelopeko elkarretaratzea egingo du Algortan Eskumaldeko LABek. Hitzordua 12:30ean jarri dute Telletxe plazan.
Argazkian, LABek azaroaren 9an Algortan egindako kontzentrazioa / cc-by Ukberri.net.
"Euskal presoak Euskal Herrira! Euskal presoak lantokietara!" lelopean, elkarretaratzeak antolatzen ohi ditu Eskumaldeko LABek.
Txorierri, Mungialdea eta Uribe Kosta hartzen duen Eskumaldeko LAB
sindikatuak hilabetean behin egiten du kontzentrazioa Ipar Uribe
eskualde handian, beti lehen ostiralean eta herriz herriz txandakatuz.
Etzi, hilak 20, baina, estraineko aldiz ostegunean eta laugarren astean
burutuko dute presoen aldeko kontzentrazioa. Hitzordua Algortako
Telletxe plazan jarri dute sindikatuko kideek, eguerdiko 12:30ean. Data
moldaketa horrekin, Eskumaldeko LABek bat egiten du urtarrilaren 12ko Herri Mobilizazio Orokorraren sustatzaileek etzirako deitutako Adierazpen Egunarekin. Egun horretan, herritar guztiak pegatina batekin ateratzera
gonbidatu zituzten. "Nork bere lantokian, eskolan nahiz kalean, nahinora
doala ere, pegatina soinean jantzita bere atxikimendua adieraztera
gonbidatzen dugu", azaldu zutenez. Algortan, Amnistia tabernan eta Abian
kultur elkartean daude eskura pegatinak. LABek baieztatu duenez,
urtarrilaren 12ko manifestazioaren deialdia indartzeko asmoz, "egun
horretan lantokietan gure delegatuek eta afiliatuek pegatinak eramango
dituzte manifestaziora deitzen".
Egun on eta mila esker agerraldi honetara etorri zareten guztioi.
Lehenik eta behin, hemen bildu garen lagun guztien izenean
besarkadarik sentikorrena helarazi nahi diegu espetxeetan eta deserrian
diren lagun guztiei.
Aurki atzean utziko duguna urte berezia izan da guretzat. Espetxetik
atera ginen urtea izango da 2012a. Urte luzez batzuek, denbora
laburragoan besteek. Denok bizi izan dugu espetxearen gazia, eta denoi
gelditu zaigu zerbait han barnean. Kalean egonik, gure ekarpena egin
nahi diogu haiek guztiak ekartzeko egiten ari den lanari.
Espetxea oro har, eta euskal preso politikoen kasuan bereziki, pertsonen
aurkako sistema konplexu bat da, pertsonen nortasunean eta izaeran
eragiteko sortua. Espetxeak pertsonen desoreka bilatzen du, presoak
pertsona izateari uztea. Eta horri guztiari helburu politikoak gehitzen
zaizkio, arrazoi politikoen ondorioz preso hartu gintuztenon kasuan.
Horregatik erabiltzen da euskal preso politikoen aurka espetxe politika
bereizia. Militantzia politikoa zigortzen da: pentsamendu kritikoa,
zapalketari aurre egin izana, elkartasuna eta jarduera politikoa. Eta
gizarteratzea baino, militantzia hau amaitzea da helburua. Bai presoena,
bai kanpoan militatzen jarraitzen dutenena ere.
Nola azaldu bestela, gaixo dauden presoen egoera? Nola azaldu
minbizia duten pertsonak heriotzaren atariraino gatibu edukitzea? Nola
azaldu urte luzez espetxean egon ostean, kalera irteteko eguna iritsi
eta kartzelaldia beste hamar urtez luzatzea? Nola azaldu berrogei
minutuko bisita bat egiteko, bi mila kilometro egin behar izatea?
Garai berri bat hasi dugu Euskal Herrian. Urteetako gatazka, sufrimendu
eta zapalkuntza egoera irauli eta justiziaren eta askatasunaren gainean
eraikitako bake egoera bat erdiesteko urratsak egiten ari gara. Baina
gaur gaurkoz, alde batetik emandako urrats ausartek mespretxua eta
itxikeria izan dituzte ia erantzun bakar. Presoen eta iheslarien egoera
da horren ispilu, apenas aldatu baita azken urtean.
Oinarrizko giza eskubideak urratzea egunerokoa da espetxeetan: senide eta lagunen istripuak asteburukoak dira errepideetan.
Hamaika aldiz entzun dugu presoek jasotako zigorra bete behar dutela.
Eta bitartean, zigorgabetasun osoa dute estatuen krimenek. Ez dago
zigorrik 10.000 lagun torturatu dituzten arduradunentzat.
Torturatzaileak eta gerra zikina egin dutenak indultatuta daude.
Sakabanaketak eragindako heriotzek ez dute barkamenik merezi. Legez
kanporatzea, komunikabideak ixtea, poliziaren bortizkeria, eskubide
zibil eta politikoak ukatzea. Nork erantzun behar dio horri guztiari?
Sufrimendu askoren lekuko izan gara azken urteotan, eta izaten ari
gara oraindik ere. Guk ez ditugu begiak ixten gertatu den guztiaren
aurrean, baina konponbideak denontzat izan behar du onuragarria.
Gatazkaren garaiak atzean utzita, datozenak soluzio urteak izatea nahi
genuke. Gatazkaren ondorioei osotasunean egin behar zaie aurre, eta
konponbide prozesu bati dagozkion neurriak norabide horretan erabaki eta
hartu behar dira.
Eta erabaki horien artean egon behar dute euskal preso eta iheslari
politikoei dagozkienak. Konponbide prozesuaren logikan, espetxeetan eta
ihesean dauden euskaldunek herrirako bidea hartu behar dute, bai ala
bai. Hori da gure ustez prozesu demokratikoak daukan geltokietako bat.
Ildo horretan, bat egin nahi dugu Herrira mugimenduak lehentasunez
egiten dituen eskariekin. Euskal preso politikoen giza eskubideak
errespetatzeak bidea egiten lagunduko luke ezbairik gabe. Urrats
garrantzitsua izango litzateke, soluzioak eta bakea eraikitzeko.
Horregatik, urrats hauek lehenbailehen egin behar direla uste dugu:
gaixotasun larriak dituzten presoak askatzea, bizi osoko zigorra
dakarten neurriak bertan behera uztea eta presoak Euskal Herriko
espetxeetara ekartzea.
Horiek horrela, urtarrilaren 12an Bilbon egingo den Herri Mobilizazio
Orokorrean izango gara gu ere. Eta gonbita egin nahi diegu aldarrikapen
hauekin bat egiten duten herritar guztiei, Bilbon izan daitezen.
Denon artean Bilboko kaleak beteko ditugu. Denon artean hustuko ditugu
espetxeak. Eta denon artean kartzela eta deserria herri honen historiako
orrialdeetara eramango ditugu. Horrenbestez, Bilbon ikusiko dugu elkar.
Argazkian, preso ohiak atzo, osirala, Bilbon / Monika del Valle, ARP
Kartzelatik aurten atera
diren dozenaka lagunek konponbidearen alde jarduteko deia egin dute:
"Gatazkaren garaiak atzean utzita, datozenak soluzio urteak izatea nahi
genuke".
Preso ohien esanetan,
konponbidea behin betikoa izan dadin, "denontzat izan behar du
onuragarria". Gatazkaren ondorioei "osotasunean" heldu behar zaiela
azaldu dute eta, beraz, euskal preso eta iheslari politikoen korapiloa
askatu behar dela.
Hori "soluzioak eta bakea eraikitzeko urrats garrantzitsua" izango
litzatekeela azaldu dute Bilbon, eta lehen urratsak "lehenbailehen"
egitearen premia adierazi. Bide horretan, presoen eskubideak bete
daitezela galdegin dute: gaixotasun larriak dituzten presoak berehala
askatzea, "bizi osorako zigorra dakarten neurriak" bertan behera utz
daitezela, eta euskal presoak Euskal Herrira ekar ditzatela.
Herrira mugimenduarekin bat egin dute. Urtarrilaren 12an Bilbon
egingo den Herri Mobilizazio Orokorrean izango direla jakinarazi dute,
eta bertan parte hartzeko gonbita egin diete herritarrei: "Denon artean
Bilboko kaleak beteko ditugu. Denon artean hustuko ditugu espetxeak. Eta
denon artean kartzela eta deserria herri honen historiako orrialdeetara
eramango ditugu", adierazi dute Erika Bilbao eta Oskar Abad preso
ohiek, guztien izenean.
Argazkian, Xabier Makazaga iheslariak bideokonferentzia bidez parte hartu zuen Ataramiñe elkartearen uzta berriaren aurkezpenean, azaroaren 27an / cc-by Ukberri.net.
Algortako Herrira bilguneak ostiral honetan, abenduak 14, abiatuko ditu Gabonen inguruan prestatutako euskal preso eta iheslari politikoen aldeko ekitaldiak. Horrenbestez, bihar, pegada-poteoa egingo dugu, 18:00etan Amnistia tabernatik abiatuta; eta 20:00etan, ohiko lez, kontzentrazioa izango da Telletxe plazan. Algortako Gazte Asanbladak (AGA) antolatutako Okupazio Astearen barruan, berriz, hainbat eragileetako lagunak horma-irudiak pintatzen izango dira Getxoko Txorimalo gaztetxean. Hitzordua goizeko 10etan jarri dute, eta Algortako Herrira bilguneko kideok ere egongo gara murala margotzen. Edonor igo daiteke gaztetxera horma-irudiak egiten laguntzera. Hortaz, animatu eta parte-hartu!
Urtarrilaren 12ko herri mobilizazio orokorrera
bidean, euskal preso eta iheslari politikoen aldeko ekitaldi ugari
antolatu ditu Algortako Herrira bilguneak:
Joan den asteartean, abenduak 4, euskal preso politikoen aldeko mezuez esnatu zen Algorta. "Gazte borrokaz presoak etxera" irakur daiteke oraindik kale kantoi eta hormetan agertutako pintadetan. Beste behin ere errepresaliatuen aldeko konpromisoa agerian utzi du herriko gazteriak. Gogoratu, besteak beste, ekainean gazte mugimenduak egin zuela azken ostiraleko mobilizaziorako deialdia, euskal preso eta iheslari politikoak etxera
ekar ditzatela eskatuz. Bitartean, Herrira mugimenduak urtarrilaren 12an Bilbon egingo duen mobilizazio erraldoiak herritar, eragile, sektore,
profesional eta norbanako ezberdinen ekarpen gehiago jasoz doa. Azkenetarikoen artean, lau kontinente ezberdinetatik atxikimendu sindikalak jaso ditu manifestazioak.
Azaroaren 10eko Baionako manifestazioan preso eta iheslari politikoen aldeko borrokan
urrats kualitatiboa eta kuantitatiboa izan zela nabarmendu zuen Herrirak.
Indar hori Bilboko manifestazioari begira jartzea da orain xedea.
Urtarrilaren 12an lurrikara txiki bat eragin nahi duela jakinarazi du
Herrirak. Inori kalterik egin nahi ez dion lurrikara izan nahi du,
baina "batzuen" kontzientziak astinduko dituen mugimendu sakona.
Funtsean, Herrirak espero du gatazka politikoaren konponbiderako
mugarri izatea.
Bakeari bizkarra emanez jarraitzea eta oinarrizko
giza eskubideen ukazioan tematzea gero eta ulertezinagoa dela dio
Herrirak, eta baieztatu du eskubide urraketa horren gaitzespena
gizartean nagusi dela. Urtarrilaren 12ko manifestazioak sostengu ugari
jaso ditu dagoeneko, eta indartuz joanen da ordura arte. 17:30ean abiatuko da Casillatik, “Giza eskubideak, irtenbidea, bakea. Euskal presoak Euskal Herrira” lelopean.
Bilbon eginiko agerraldi batean, Etxerat elkarteak «atxikimendu osoa»
adierazi dio Herrira mugimenduak urtarrilaren 12an Bilbon deitutako Herri Mobilizazio Orokorrari.
Era berean, asteburu horretan, Estatu espainol zein frantsesean,
Britainia Handian, Eskozian, Irlandan edo Portugalen aurreikusita
dituzten bisitak burutuko ez dituztela jakinarazi dute.
Argazkian, gazte mordoa Indabadaren aurreko edizioetako batean / cc-by Ukberri.net.
Urriaren 27an, larunbatarekin, izango da Algortan
urtero egiten den babajanaren 13. edizioa, "Golkotan ez dau diru, baina
hamahiru Indabada" lelopean. Aurrekoetan bezala animazioa, txistulariak,
kupela, bazkari herrikoia, jolasak, poteoa, ekitaldia, zozketak… izango
dira Bihotz Alai plazan, Algortako Gazte Asanbladaren eskutik. Euskal preso eta iheslari politikoak ere ez dituzte ahaztuta utziko. Besteak beste, herriko gatibuei idazteko postalak eta postontziak jarriko dituzte bertan. Beraz, animatu eta idatzi! Eurek eskertuko dute eta!
Argazkian, gazte mordoa Indabadaren aurreko edizioetako batean / cc-by Ukberri.net.
Urriaren 27an, larunbatarekin, izango da Algortan
urtero egiten den babajanaren 13. edizioa, "Golkotan ez dau diru, baina
hamahiru Indabada" lelopean. Aurrekoetan bezala animazioa, txistulariak,
kupela, bazkari herrikoia, jolasak, poteoa, ekitaldia, zozketak… izango
dira Bihotz Alai plazan, Algortako Gazte Asanbladaren eskutik. Euskal preso eta iheslari politikoak ere ez dituzte ahaztuta utziko. Besteak beste, herriko gatibuei idazteko postalak eta postontziak jarriko dituzte bertan. Beraz, animatu eta idatzi! Eurek eskertuko dute eta!
Zinez ekoiztetxeak adierazi duenez, Espainiako Auzitegi Nazionalak Barrura Begiratzeko Leihoak
filmaren kopia bat eskatu du. Filmaren emanaldi pribatuak egin zituzten
herenegun Donostiako Viktoria Eugenia antzokian eta deliturik izan den
ikertzeko eskatu zuen atzo Carlos Urkijo Espainiako Gobernuaren
ordezkariak.
Urkijoren ustez, litekeena da emanaldi horiek "terrorismoaren
biktimen babeserako legeak urratzea". Donostiako Udala ere delitu baten
egile izan daitekeela uste du Urkijok, Zinez ekoiztetxeari Viktoria
Eugenia antzokia alokairuan uzteagatik filmaren emanaldirako. Emanaldien
aurretik, Juan Karlos Izagirre Donostiako alkateari haiek eragozteko
eskatua zion Urkijok; horretaz gain, emanaldien iragarpenaz ohartarazia
zuen Zaragoza, delitu zantzurik ikusiz gero debeka zitzan.
