Madrileko Espetxe Zuzendaritzaren aurrera joan dira gaur goizean Herrira mugimenduko zenbait kide eta norbanako larri gaixo dauden 14 euskal preso politikoen askatasuna eskatzeko.
Denek, presoen kaleratzea aldarrikatzen zuen kamiseta urdina jantzi
dute eta euren izenak zeramatzaten laukizko poltsak agerian utzi
dituzte. Era horretan, euren buruak gaixo dauden presoengatik aldatzeko
prest agertu dira eta Roberto Noval eta Nagore Garcia Espetxe
Zuzendaritzaren egoitzara sartu dira euren asmoaren zergatia azaltzen
zuen gutune ematera.
Behin tramiteak burututa, Angel Yusteri Espetxe Zuzendaritzako
idazkari nagusiari zuzendutako gutuna entregatu ahal izan dute. Bertan,
argi utzi dute “gaixotasun larriak dituzten 14 euskal preso
politikoengatik aldatzeko borondatea” dutela eta giza eskubideen
errespetuari dagokionez gaixotasun larriak dituzten presoak askatzea duen premia azpimarratu dute.
0 iruzkin:
Iruzkin bat idatzi
Iruzkina bidali bezain pronto ez bada agertzen ez kezkatu. Ahalik eta lasterren argitaratuko dugu. Mila esker.