Duela
9 egun Josu Uribetxeberria euskal preso politikoa Leongo ospitalean
ingresatu zuten. Epealdi motza izan arren, Etxeraten alarma guztiak
piztu zituen, pasa den asteazkeneko prentsaurrean adierazitako kezkak
erakutsi zuen bezala. Gure senide presoei ezartzen zaizkien
salbuespeneko neurriek, euren eskubideen urraketa jarrai eta
sistematikoak beraien eta gure sufrimendua besterik ez dute bilatzen.
Orain artean azaldu dugun ezinegona eta kezka egun, guztiz justifikatuak
daudela badakigu.
2005eko apirilean, Josuri
giltzurruneko minbizia diagnostikatu zioten. 2006ko abenduan, legean
onartua dagoen baldintzapeko askatasuna eskatu zen, bere gaixotasun
larri eta sendaezina dela eta. 2007ko uztailan askatasun eskaera horren
ukapena jakinarazten diote. Espetxe politikaren makinaria martxan
zegoen jada.
7 urte hauetan zehar, hasierako diagnostikoa egin ziotenetik, espetxeak bere gaixotasunean izandako eraginak bere egungo osasun egoera okertu du. Bi nodulu topatu berri baitizkiote, bata buruan eta bestea birikietan. Honek ezin egoera larriago batean kokatzen gaitu: Josu heriotz zigorrera zigortu dute.
Horregatik,
eta ez beste ezergatik, ukatu zioten baldintzapeko askatasuna,
espetxeko bizi baldintzetan mantendu zuten eta osatzea galarazi zioten.
Helburu honekin, legeak baztertu zituzten eta eskubideak urratu
zituzten. Helburu honekin eta horretaz oso jakitun izanik gainera.
Ez
dugu inor bere arduretatik salbuetsiko: ez espetxe politika hau
diseinatu zutenak, ez betearazten dutenak, ez eta beraren konplizeak
direnak ere. Ez dugu egingo eta ezin dugu egin, Josu bezala,
gaixotasun larri edo sendaezinengatik kalean egon beharko luketen beste
13 senide, espetxean mantentzen dituztelako. Hori da hain zuzen
exijitzen duguna: Josu Uribetxeberriaren berehalako askatzea eta,
berekin batera, beste 13 preso gaixo larrien askatzea.
Datozen
egunetan alderdi politikoekin erronda burutuko dugu egoera larri honek
eskatzen duen salaketa eta erantzun bateratua bilatzeko. EAEko eta
Nafarroako Arartekora joko dugu ere. Berdin egingo dugu euskal
gizarteari begira, denon artean arduraz eta determinazioz erantzuteko:
inoiz ez zelako justifikaziorik egon, eta aitzakiak amaitu direlako.
Inoiz errepikatu behar ez delako: GURE SENIDE PRESO GAIXOAK ETXERA
ORAIN!
Estatu espainolari galdetu nahi eta
beharko genioke: Josurekin egindakoa, beste guztiekin egin nahi al du?
Zein helbururekin? Zeren eta zeinen interesen mesedetan?
0 iruzkin:
Iruzkin bat idatzi
Iruzkina bidali bezain pronto ez bada agertzen ez kezkatu. Ahalik eta lasterren argitaratuko dugu. Mila esker.