Eman atxikimendua www.kolosalaizangoda.info webgunean

Egin Dezagun Bidea ekimenak urrats berri bat du datorren urtarrilaren 7an Bilbon egingo duen Herri Mobilizazio Orokorraren prestakuntzan. Izan ere, gaurtik aurrera edozein pertsona edo taldek atxikimendua emateko aukera izango du www.kolosalaizangoda.info webgunean.

Bertan, atxikimendua emateko aukera izateaz gain, manifestua 10 hizkuntza ezberdinetan eskuratu daiteke eta deialdiko bitarteko eta bideo guztiak ikusgai daude. Ziur gaude datozen egun eta astetan milaka herritar eta eta eragilek, bai Euskal Herrian bai gure mugetatik at, bat egingo dutela Herri Mobilizazio Orokorrarekin.

Jadanik ia 400 dira atxikimendua eman duten norbanako esanguratsuak. Azken egunetan, besteak beste, Eloi Beato aktorea, Koldo Fernandez de Larrea txirrindularia, Xavier Sarría Obrint Pas musika taldeko abeslaria, Amaia Agirre eta Miren Artetxe bertsolariak, Jesús Uzkudun sindikalista, Emanuel Perrone, Lucas Favalli eta Federico Martorell futbolari profesional argentinarrak, Andrés Vázquez de Sola kazetari espainiarra, Argentinako HIJOS elkarteko Álvaro Baella edo Nora Cortiñas “Madres de la Plaza de Mayo, Línea Fundadora”-ko lehendakariak atxikimendua eman dute. Horiekin batera, Palestinako presoen sostengurako sortutako Addammer elkarteak ere babesa eskaini dio Bilboko Herri Mobilizazio Orokorrari.

Besterik gabe, helbidea gogoratuz, http://www.kolosalaizangoda.info, herritargo osoari atxikitzeko eta deialdia lau haizetara zabaltzeko deia egiten diogu.