Etxeratek urtarrilaren 12ko Mobilizazio Orokorrera dei egin eta senideek egun horretan bisitarik burutuko ez dutela jakinarazi du

Argazkian,  Etxerat elkartearen prentsaurrekoa, Bilbon, urtarrilaren 12ko manifestazioa bultzatzeko. (Marisol Ramirez / Argazki Press)

Bilbon eginiko agerraldi batean, Etxerat elkarteak «atxikimendu osoa» adierazi dio Herrira mugimenduak urtarrilaren 12an Bilbon deitutako Herri Mobilizazio Orokorrari. Era berean, asteburu horretan, Estatu espainol zein frantsesean, Britainia Handian, Eskozian, Irlandan edo Portugalen aurreikusita dituzten bisitak burutuko ez dituztela jakinarazi dute.

Laura Mintegi: "Ezinbestekoa da kalera ateratzea eta presoei dagozkien eskubideak exijitzea"

Iturria: Berria.info

Datorren larunbatean Baionan 'Hurbildu bakera' lelopean egingo den manifestazioari babesa eman nahi izan dio EH Bilduk gaur egindako agerraldian.

EH Bilduk babesa adierazi nahi izan dio larunbatean Baionan egingo den manifestazioari. Koalizioaren lehendakarigai Laura Mintegik azaldu du "denok urratsak egitea garrantzitsua" dela eta iragana "alboratu" beharra dagoela bakera heltzeko.

Urtebete igaro da Aieteko adierazpenetik eta ETAk borroka armatua utzi zuenetik, eta Frantzia eta Espainiako estatuek "presoen eskubide urraketak", "lege kanporatze mehatxuak", eta "Aurore Martinena moduko atxiloketak" egiten jarraitzen dutela salatu du Mintegik. Halere, adierazi du urte honetan "gauza asko" pasa direla; "indar guztiak batu" direla eta "aho-beteko erantzuna" eman dietela bi estatuei.

Mintegik uste du gizartean gero eta zabalduagoa dagoela presoen eskubideen aldeko iritzia, baina horri estatuek entzungor egiten dietela ere gaineratu du. "Horregatik, ezinbestekoa da kalera ateratzea, eta presoek izan behar dituzten eskubideak exijitzea", adierazi du. "Aukera paregabea dugu ekintza hauei erantzuna emateko".

ELA ere Baionako manifestazioan izango da azaroaren 10ean

ELA-ren oharra:

ELAk bere afiliatuei dei egiten die datorren azaroaren 10ean Baionan frantses estatuari beste espetxe-politika bat galdatzeko egingo den manifestazioan parte har dezaten. Deialdian ehunka hautetsik eta hainbat erakunde sozial, sindikal eta politikok hartuko dute parte.

Gure sindikatuaren iritziz, zoritxarrez Frantziako espetxe-politika espainiar gobernuek egin izan dutenaren jarraipen itsua da. Hala gertatu da duela hainbat hamarkadatik hona sakabanatze politikarekin, eta are gogorrago PPk eta PSOEk 2000ko hamarkada hasieran sinatu zuten itun antiterroristaren ostean; aipatzekoa da Espainia eta Frantziako UGT, CCOO, CGT, CFDT, UNSA eta FO sindikatuek ere itunarekin bat egin zutela.

Aieteko Konferentzia egin zenetik eta ETAk borroka armatua behin betiko uzteko iragarpenetik urtebete igaro delarik, espainiar eta frantses estatuak lehengo jarrera gotorrari eusten diote. Alabaina, ELAk uste du elkarrizketa politikorako bideak urratu behar direla bizikidetzan ibilbide pertsonal eta kolektibo desberdinak bateratu ahal izateko eta gure herrian adiskidetzea eta normalizazioa irits ahal daitezen. Elkarrizketak ekarriko lukeen negoziazio baten bidez behin betiko bakea finkatuko litzateke, eta honek hain zuzen espetxe-politikan izango luke islada garrantzitsu bat.

Beraz, ELAk hautatu berria den Frantziako gobernuari eskatzen dio errotik alda dezala euskal preso politikoekiko daraman politika, eta espero du manifestazioa mugarria izatea gure herrian bakerantz egiten ari garen bidean.

ELAko zuzendaritza konfederalaren ordezkaritza batek deialdian parte hartuko du.

EAJren Ipar Buru Batzarrak ere Baionako manifestaziora deituko du

Iturria: Berria.info

Prentsaurrekoa egin du gaur EAJren Ipar Buru Batzarrak, hauteskundeen emaitzen balorazioa aurkezteko. Dani Camblong Ipar Buru Batzarreko bozeramaileak jakinarazi duenez, Herrira-k Baionan eginen duen manifestaziora deituko du EAJk: "Bai, alderdi gisa deituko dugula uste dut".

Prentsaurrekoa egin du gaur EAJren Ipar Buru Batzarrak, hauteskundeen emaitzen balorazioa aurkezteko. Dani Camblong Ipar Buru Batzarreko bozeramaileak jakinarazi duenez, Herrira-k Baionan eginen duen manifestaziora deituko du EAJk: "Bai, alderdi gisa deituko dugula uste dut". Frantziako eta Espainiako estatuek normalizazio politiko eta zibilaren bidean urratsak egin behar dituztela azaldu du, eta gehitu du presoen gaia "premiazkoa" dela.

EAJk lortu emaitzak ikusirik, pozik agertu dira Ipar Buru Batzarraren ordezkariak. Ipar Euskal Herriaren eta Hego Euskal Herriaren arteko harremanak "ongi finkatzeko" Urkullu "pisuzko aliatua" izango dela azaldu dute.

Hainbat preso ohiek deitzen dute azaroaren 10eko manifara joateko

Hogeita hamar bat preso ohiek azaroaren 10eko manifara joateko deitzen dute, preso eta iheslarien giza eskubideen alde.

Hor dituzue izenpetu duten preso ohiek eta deialdiaren testua:

Kristiane ETXALUZ, Saroia GALARRAGA, Filipe LESGOURGUES, Filipe LASCARAY, Muriel LUCANTIS, Gabi MOUESCA, Imanol JAIO, Maite ETXEBERRIA, Claude RECART, Bixente GARZIA, Pantxika MARHUENDA, Peio IRIONDO, Roberto MURGIONDO, Eloi URIARTE, Pilar ARTZE, Mattin ETCHEPARE, Mari Karmen ALDAYA, Itziar IMATZ, Pello ALCANTARILLA, Joseba AGUIRREBARRENA, Oskar BIZKAI, Filipe LESGOURGUES, Filipe BIDART, Jose Antonio CAU, Arantxa SASIAIN, Kristina LARRAÑAGA, Philippe LASSALE-ASTIS, Esnal Arrate URREISTI, Xan KOSKARAT.

Urtarrilaren 7an Bilbora joan bazinen, maiatzaren 19an goazen plazara! Zure atxikimendua eman!

Lagun agurgarri hori, 

Urtarrilaren 7an milaka herritarren babesa eta parte-hartzea izan zuen Bilbon egin zen herri-mobilizazio orokorrak. Euskal gizartearen gehiengo zabal baten eskaerek Bilboko kaleak hartu zituzten, euskal preso politikoen eskubideen aldeko manifestazio historikoan. Ordutik hona, alderdi politiko askok presoen auziarekiko jarrera berriak hartu dituzte. Hori guztia kontuan hartuz, begi bistakoa da egungo kartzela-politikak ez duela sostengu politiko eta sozialik. 

Alabaina, gobernuek ez dute pausorik eman eta kartzela politika ez da aldatu. Presoen gaia eguneroko mintzagai bada ere, Espainiako eta Frantziako gobernuek iraganeko jokabideari eusten diote garai berri honetan. 

Horren adibide garbia da Espainiako Konstituzio Auzitegiak 197/2006 Doktrinari (Parot doktrinari) buruz emandako azken epaia. Honen bidez, kondenak beteta zituzten Euskal preso politikoek tarteratutako 31 babes helegiteetatik 28 aztertuta, hiruri baino ez die askatasun eskubidea eta babes judizial eragingarriaren eskubidearen urraketa onartu. Beste 25entzako eskubide urraketak indarrean dirau. Epai honek arrazoi juridikoak erabili beharrean politikoak erabili ditu, bakerako aukeren eta konponbide prozesuaren aurka egin duelarik. 

Egin Dezagun Bidea: Hamabost egun eskasetan 8.000 babes! Kolosala izango da!

Egin Dezagun Bidea ekimenak www.kolosalaizangoda.info web orria martxan jarri eta bi aste igaro direnean, erabateko poztasuna azaldu behar dugu orain arte burutu dugun atxekimendu eta babes bilketak emandako fruituekin. Izan ere, datorren urtarrilaren 7an Bilbon burutuko den Herri Mobilizazio Orokorrak 8.000 babes bildu baititu 15 egun eskasetan. Marka guztiak hausten ari gara eta honek urtarrilaren 7an Bizkaiko hiriburuan burutuko den Herri Mobilizazio Orokorra pizten ari den ilusio erraldoiaren berri ematen digu.

Bi astetan lortutako babes kopuruak, bestelako ekimen edo mobilizazioek aurretik jasotako babesak aise gainditzen ditu. Horiek horrela, eredu argi bat ipintzearren, iaz Egin Dezagun Urratsa ekimenak egindako deialdiak 6000 atxekimendu inguru lortu zituen kanpaina osoan zehar. Ondoren, 2011ko urtarrilaren 8an 65000 lagun bildu ziren Bilboko kaleetan. Oraingoan, mundu osoko 8000 norbanako eta eragileek babesa eskaini diote 2012ko urtarrilak 7ko Herri Mobilizazio Orokorrari oraindik hitzordua heltzeko hilabete baino gehiago falta denean.

Eragile politiko, sindikal eta sozialek baraualdia egingo dute presoen eskubideen alde

Argazkian, Donostian izan da gaurko prentsaurrekoa.

Hemen bildutako alderdi politiko, sindikatu eta eragile sozialek atxikimendua eman diote Urtarrilaren 7an preso politikoen eskubideen alde Bilbon egingo den herri mobilizazio orokorrari.

Atxikimenduez harago, konpromisoak hartu nahi izan dituzte eragile hauek denek, preso politikoen egoerak hala eskatzen duelako, eta kartzela politika konponbidearen norabidera aldatzeak erabateko lehentasuna duelako. Horregatik, datorren abenduaren 12tik 18ra txandakako baraualdia egingo dugu, Donostiako Ibaetako fakultatean, 24 orduko txandekin: 12an sindikatuen txanda izango da, 13an gazte eragile eta elkarteek hartuko dute parte, 14ean ikasle eta irakasleek, 15ean mugimendu feministako emakumeak, 16ean alderdi politikoetako eta instituzioetako ordezkariak, eta 17an mugimendu sozialetako eta oro har herri mugimenduko partaideak.

1.500 atxikimendu 24 ordu baino gutxiagotan

24 ordu baino gutxiago pasa dira atzo eguerdian Egin Dezagun Bidea ekimenak urtarrilak 7ko Herri Mobilizazio Orokorra bultzatzeko atxikimendu kanpaina publikoa abiatu zuenetik eta dagoeneko 1.500 babes baino gehiago bildu ditugu. 1.500 atxikimendu Internet bitartez gehi aurretik bildutako 400 atxikimenduak. Hortaz, urtarrilak 7ko Herri Mobilizazio Orokorrak dagoeneko 2.000 atxikimendu inguru bildu ditu.
 

Iaz, Egin Dezagun Urratsa ekimenak deitutako manifestaldian, 2010ko azaroaren 13tik 2011ko urtarrilaren 8a bitartean 5.500 sinadura inguru bildu ziren. Aurten, egun bakarrean, 1.500 atxikimendu. Ikusgarria eta kolosala izaten ari da.
 

Hortaz, jadanik atxikimendua eman duten pertsonei eta www.kolosalaizangoda.info webgunean euren izena oraindik ikusi ez dutenei pazientzia pixka bat eskatzen diegu. Izan ere, atxikimenduen kopurua erraldoia da eta ohi baino denbora gehiago beharko da guztiak publikatzeko. Hala ere, hurrengo orduetan izen guztiak ikusgai izango dira. 

Eman atxikimendua www.kolosalaizangoda.info webgunean

Egin Dezagun Bidea ekimenak urrats berri bat du datorren urtarrilaren 7an Bilbon egingo duen Herri Mobilizazio Orokorraren prestakuntzan. Izan ere, gaurtik aurrera edozein pertsona edo taldek atxikimendua emateko aukera izango du www.kolosalaizangoda.info webgunean.

Bertan, atxikimendua emateko aukera izateaz gain, manifestua 10 hizkuntza ezberdinetan eskuratu daiteke eta deialdiko bitarteko eta bideo guztiak ikusgai daude. Ziur gaude datozen egun eta astetan milaka herritar eta eta eragilek, bai Euskal Herrian bai gure mugetatik at, bat egingo dutela Herri Mobilizazio Orokorrarekin.