Ines Del Rio preso politikoaren askatasuna exijitu dute Iruñeako
Auzitegian Pilotariak Kolektiboaren kide batzuek epaitegien barruan
kateatzen eta pegatinak jartzen, eta zuzenean internetik emititu dituzte
irudiak
Ines Del Rio euskal preso politikoaren askatasuna exijitu zuten atzo
goizean Iruñeako Auzitegian Pilotariak Kolektiboko kideek. Goizeko
11etan, hiru ekintzaile kateatu ziren Entzutegiaren lehenengo solairuko
gela batean, beste batzuek biziarteko zigorraren aurkako eskuorriak bota
eta pegatinak itsasten zituzten bitartean.
Ekimen honen bidez, Ines del Rio tafallarraren egoera salatu nahi izan zuten.
Del Riok 25 urte daramatza espetxean eta aske egon beharko luke,
zigorra bete duelako eta Europako Giza Eskubideen Auzitegiak bere
kaleratzea agindu duelako. Bere egoera berdinan dira Europako Giza
Eskubideen Auzitegiak errefusatu duen 197/2006 doktrina aplikatuta duten
beste 66 euskal preso politikoak. Horien artean, batzuk gaixotasun
larriak pairatuz gainera. Gaur Entzutegi Nazionaleko osoko bilkurak
egingo duen batzarean judikaturari garai berrietara egokitu eta bakera
doan bidea ez oztopatzea eskatzen diogu. Zehazki, Europako Giza
Eskubideen Auzitegiaren sententzia aplikatu eta zigorra bete duten 67
euskal preso preso politikoak askatzea.
"Bizi osorako zigorraren aplikazioaren aurrean, larri gaixo dauden
presoen egoeraren aurrean edo sakabanaketa politikaren aurrean sumindura
erakutsi nahi duen herritar orori aktibismoa eta desobedientzia
zibilaren bidetik erantzutera" dei egiten du Pilotariak kolektiboak.
Beraien ustez, "ezin dugu eskuak gurutzatuta egon euskal preso politikoak
eta euren senideak heriotza zigorraren joku maltzurrean murgiltzen
dituztenean" eta prestatzen ari diren hurrengo ekimenetan parte hartzera
gonbidatzen dute.
0 iruzkin:
Iruzkin bat idatzi
Iruzkina bidali bezain pronto ez bada agertzen ez kezkatu. Ahalik eta lasterren argitaratuko dugu. Mila esker.