Bideoa ikusi eta zabaldu
688 preso kurduk Abdulá Öcalan Kurdistango Langileen Alderdiko (PPK) liderraren mezuari men egin egin eta gose greba uztea erabaki dute, 68 egunen ostean. Protesta amaitzean, hainbat ospitalera eraman behar izan dituzte, ondorengo bideoan ikus daitekeen bezala.
68 egunen ondoren, 688 preso politikoen osasun egoera larriak kontuan hartuta, gose greba amaitzeko eskatu zien igandean Öcalanek kartzelatik, bere anaiaren bitartez. Gose greba bukatu duten presoak tratamendua jasotzen ari dira, eta batzuk ospitalera eraman behar izan dituzte, bideoan ikusten den bezala. Bien bitartean, Turkiako lehen ministro Recep Tayyip Erdoganek esan du "antzezlana" besterik ez dela izan.
Öcalan bizi osorako zigorturik dago 1999. urtetik. Gose grebaren
arrazoietako bat PKK-ko buruaren isolamendu egoerarekin amaitzea zen,
Turkiako Gobernuarekin bake egoerari buruz negozia dezan. Hala nola,
Ipar Kurdistan edo Turkiaren mendeko Kurdinstango gatazka politikoari
irtenbidea emateko pausoak eman ditzala eskatzen diote Turkiari.
Ankarako Gobernuak kurdueraz hitz egitearen eskubidea errespeta dezala
eskatzen dute, bestetik. Estaturik gabeko nazio honek 40 milioi biztanle ditu Turkia, Siria, Iran, Irak eta Armenian banatuta.
0 iruzkin:
Iruzkin bat idatzi
Iruzkina bidali bezain pronto ez bada agertzen ez kezkatu. Ahalik eta lasterren argitaratuko dugu. Mila esker.