Josu Rodriguezen urtebetetzea. Zorionak!

+

Josu Rodriguez Mallabiarrena "Nekora" euskal preso politikoaren urtebetetzea izango da astelehenean, irailak 30. Gazteak 28 urte egingo ditu.

Aukera ona ere bada, postal, gutun edo zerbait bidaltzeko, zorionak eman eta gure elkartasuna adierazteko.

Zorionak Josu eta eskerrik asko erakusten duzun adore eta kemen horregatik!

Helbidea:

Josu Rodriguez Mallabiarrena
C.P. Soria
Pza. Marqués del Saltillo, 1
42071 Soria (Soria)

Josu askatu!
Euskal preso eta iheslari politikoak herrira!

Soriako espetxean daukate Josu Rodriguez "Nekora"

Josu Rodriguez Mallabiarrena "Nekora" preso politiko gazte algortarra abenduaren 27an atera zuten Basauriko espetxetik. Dagoeneko Soriako kartzelan daukate, Getxo udalerritik 243 kilometrotara. Poliziak ekainaren 30ean atxilotu zuen Nekora. Espainiako Auzitegi Gorenak ekainaren 15ean lau urtetik hirura murriztu zion zigorra gazteari, haietatik bi hilabete eta bost egun bete zituen 2007an. Kale borroka taldea osatu eta Larrañazubin hainbat zulo egin eta erregaiak gordetzea egotzi zizkion Auzitegi Nazionalak, inkomunikazio egoeran sinarazitako deklarazioetan oinarrituz. 

Helbidea:

Josu Rodriguez Mallabiarrena
C.P. Soria
Pza. Marqués del Saltillo, 1
42071 Soria (Soria)

Nekora askatu!
Preso eta iheslariak herrira!

Josu herrian nahi dugu!

Argazkia: cc-by Ukberri.net

Espainiako Poliziak pasa den larunbatean atxilotutako Josu Rodriguez "Nekora" gazte berangoztarra berehala aska dezaten eskatu zuten atzo arratsean 250 lagunek baino gehiagok. Algortako kaleak manifestazioan zeharkatu ostean, Rodriguez egun Basauriko espetxean dagoela argitu zuen Joseba Elorriaga "Peski" Gazte 1+Ez! ekimeneko partaideak eta "Nekora" atxilotu zuten 2007ko sarekada bereko biktimak. Izan ere, lehenengo bertsioen arabera, gaztea Madrilen zegoela zabaldu zen. Elorriagaren esanetan, Rodriguezek bisita izan du eta igandean deitu ahal izan zuen. Gainera, modulu berean EPPKko beste lau preso daudela zehaztu zuen. 

Josu askatu!
Preso eta iheslariak herrira! 

Ukberri.net: "Nekora" etxean nahi dutela aldarrikatu dute Algortan

Josu Rodriguez gazte algortarra atxilotu dute gaur goizean

Argazkian, gazteen aurkako epaiketa salatzeko elkarretaratzea Algortan / cc-by ukberri.net

Poliziak gaur goizean atxilotu egin du Josu Rodriguez "Nekora" gazte algortarra, ezker abertzaleko iturriek jakinarazi dutenez. Baliteke dagoeneko Madrilera eraman izana. Hain zuzen ere, horren arriskuaz ohartarazi zuen Herrira bilguneak atzoko azken ostiraleko elkarretaratzean. Espainiako Auzitegi Gorenak ekainaren 15ean lau urtetik hirura murriztu zion zigorra Rodriguezi, haietatik bi hilabete eta bost egun bete zituen 2007an. Kale borroka taldea osatu eta Larrañazubin hainbat zulo egin eta erregaiak gordetzea egotzi zizkion Auzitegi Nazionalak, inkomunikazio egoeran sinarazitako deklarazioetan oinarrituz. Hain zuzen ere, atxiloketa berri honi erantzuteko, astelehenenean, uztailak 2, manifestazioa izango dute Algortan: "Josu askatu! Errepresiorik ez!" lelopean, 20:00etan abiatuko dira Telletxe plazatik.