Aitzol Gogorza preso gaixo larria Basurtuko Ospitalean aurkitzen da

Argazkian, Aitzol Gogorza aska dezatela eskatzeko kontzentrazioa Basauriko espetxe aurrean.

Aitzol Gogorza oreretarra gaixotasun larri eta sendaezinak dituzten hamahiru presoetako bat da eta atzo eguerditik Basurtuko Ospitalean ospitaleratua dago. Aitzolek gora-behera handiak izaten ditu, eta azken aldian animoz nahiko baxu aurkitzen zen. Egoerari buelta ematen ez ziola ikusita, espetxeko medikuek, Aitzolen konfiantzazko medikuek, eta Aitzolek berak ikusi zuten hoberena bera ospitaleratzea izango zela.

Senideek eta konfiantzazko medikuek ezin izan dute berarekin egon oraindik. Baina, datozen orduetan senideek bera ikusteko aukera izango dute.

Gogorzak urte luzeetako obsesio konbultsio nahasmena du. 1999an atxilotua izan ondoren, gaixotasuna berpiztu zitzaion eta asistentzia psikiatriko espezializatua behar izan zuen Poissyko espetxean (Estatu frantsesa). 2011ko ekainean Madrileko Soto del Real espetxera eraman zuten: tentsio uneak bizi izan zituen bertako funtzionarioekin eta bakartze erregimenean ezarri zuten. Urte bereko urrian, gaixotasuna larriagotu egin zen, obsesio konbultsio aldi larriekin, eta azaroan suizidioa arriskuarentzako ezartzen den 24 orduko laguntza protokoloa ezarri zioten.

Aitzol askatu! Hamahiruak herrira!