Saioa Sanchez berangoztarrari 28 urteko zigorra jarri diote

Argazkian, Saioa Sanchez preso berangoztarraren irudia / cc-by Ukberri.net

Saioa Sanchez Iturregi preso berangoztarrari 28 urteko kartzela-zigorra ezarri dio Parisko Justizia Auzitegiak, ostegun gauean albiste-agentziek zabaldu zutenez. Saioak gutxienez zigorraren bi herenak, 18 urte eta zortzi hilabete, espetxean bete beharko ditu, epaiaren arabera. Mikel Carrera Saroberekin batera, 2007ko abenduaren 1an Capbretonen Raul Centeno eta Fernando Trapero guardia zibilak hil zituela frogatutzat jo dute epaileek. Carrerari biziarteko kartzela-zigorra ezarri diote, eta gutxienez 22 urte bete beharko ditu espetxean. Asier Bengoa Lopez izan da zapi auziperatuetatik absolbitu duten bakarra, bere aurkako zantzu bakarra txakur-polizien identifikazioa zela. Fiskalak horretan zigortzea froga nahikoa ikusi bazuen ere, epaileek ez dute aintzat jo. Halere, Bengoa ez da kalera irtengo, 15 urteko kartzela-zigorra bete beharko baitu beste kargu batzuengatik. 

Saioa Sanchez preso politiko berangoztarra epaitzen hasi dira Parisen

Argazkian, Saioa Sanchez preso berangoztarraren irudia / cc-by Ukberri.net.

Parisko Justizia Auzitegian zazpi euskal herritarren aurkako epaiketa hasi zen atzo, 2007ko abenduaren 1an Capbretonen Raul Centeno eta Fernando Trapero guardia zibilen heriotzarekin zerikusia izatea leporatuta. Auziperatuen artean dago Saioa Sanchez Iturregi euskal preso politikoa. Berangoko gatibua 2007ko abenduren 5ean atxilotu zuten Chateauneuf de Randon herrian (Lozere, Frantzia), Asier Bengoa gasteiztarrarekin batera, ETAko kideak zirelakoan. Epaituko dituzten beste lagunak dira Mikel Karrera, Garikoitz Aspiazu, Eider Uruburu, Ibon Goieaskoetxea eta Iratxe Sorzabal. Lehen hirurei bi guardia zibilak hiltzea leporatzen diete. Epaiketak lau astez luzatuko da, albiste agentzia ezberdinen arabera. Argazkian, Saioa Sanchez preso berangoztarraren irudia. 

Saioa askatu!

Euskal preso eta iheslari politikoak herrira!