Urriaren 17an kalera irtengo da Jagoba Terrones

Kartela jaitsi eta zabaldu (jpg)

Jagoba Terrones Arrate Berangoko euskal preso politikoa eta Algortako bizilaguna urriaren 17an aterako da Castellon II espetxetik. Espainiako Auzitegi Nazionalak zortzi urteko espetxe zigorra ezarri zion Askatasuna eta AABen aurkako 33/01 auziko epaian eta Auzitegi Gorenak zigorra berretsi egin zuen, 2009ko urriaren 16an. Egun horretan atxilotu eta Basauriko espetxera eraman zuten. Ondoren, Castellon II espetxera eraman zuten.

Herrian bat gehiago!

Euskal preso eta iheslari politikoak herrira!

Etxean da Pol Asensio. Ongi etorri!

Argazkian, eskuinean, Polen ama, Iratxe emaztea, Sare alaba eta Pol bera Orkrestaren erritmora.

Amaitu ezinezko besarkaden artean egin diote harrera Algortako Amnistia tabernan dozenaka herritarrek Pol Asensio Millan preso politiko ohiari. Goizean Alacant aldeko Villena espetxea atzean utzi ostean, 20:30ak inguruan heldu da sorterrira algortarra. Bost urte eta erdi eman ditu preso. Orkrestak girotutako ekitaldian, ohorezko aurreskua, bertsoak, lore sorta eta brindisa opatu dizkiote herrikideek Poli, "Eusko Gudariak" abestuz bukatzeko. Ondoren, bere argazkia Amnistia tabernatik kendu du Asensiok eta, barruan daudenak gogoan, kanpoko jendearen elkartasuna eta babesa zein garrantzitsua den gogoratu du. Tabernara sartu baino lehen, preso eta iheslariak etxeratu arte lanean jarraitzeko deia luzatu du Algortako Herrira bilguneak. Ildo horretan kokatu ditu preso eta iheslari politikoen aldeko eragileak, larunbateko Plazara! ekimena (11:30ean, Algortako Telletxe plazan), eta Iñaki Gonzalo Casal "Kitxu" preso itzubaltzetarraren askatasuna eta 197/2006 doktrinaren derogazioa exijitzeko igandeko eskualde mailako manifestazioa (13:00etan, Itzubaltzeta / Romoko Santa Eugenia plazatik abiatuta. Hori guztia bukatuta, bere argazkia Abian herriko tabernatik kentzera abiatu da Pol.

Ongi etorri Pol!

Euskal preso eta iheslari politikoak herrira!

Maiatzaren 16an Pol herrira itzultzen da!

Kartela jaitsi eta zabaldu (jpg)

Etzi irtengo da kalera Pol Asensio

Argazkian, 2012ko maiatzaren 7an etxera ekarri zuten Pol, Sare alaba txikia ezagutzeko.

Pol Asensio Millan preso politiko algortarra ostegun honetan, maiatzak 16, kalera irtengo da, Alacant aldeko Villena espetxetik. Pol 2007ko azaroaren 30ean atxilotu zuen Espainiako Poliziak, Barrikako bere etxean, Espainiako Auzitegi Nazionalaren aginduz. Hasiera batean Soto del Realen (Madril, Espainia) espetxeratu bazuten ere, Angela Murillo epaileak sententzia irakurri baino egun batzuk lehenago eraman zuten Navalcarnerora (Madril, Espainia). 2008ko urtarrilaren 2an, berriz, Ocaña I espetxera (Toledo, Espainia) eraman zuten, 2007ko abenduaren 27tik egun horretara Valdemoron (Madril, Espainia) izan ondoren. Eta 2008ko irailaren bukaera eta urriaren hasiera artean Alacantera, Getxo udalerritik 823 kilometrora.

Algortarrari 11 urteko kartzela zigorra ezarri zioten, "erakunde terroristako kide izatea" egotzita, 18/98 auzian. Espainiako Auzitegi Gorenak, ordea, zigorra zazpi urte eta erdira murriztu zion. Hala ere, Etxerat elkarteak behin baino gehiagotan aipatu du hilabetero plazaratzen duen txostenean dagoeneko baldintzapeko askatasunean beharko lukeela Pol.

Espetxean zela aita hil zitzaion Poli, 2009ko urtarrilaren 23an. Kanpoan gertatutako guztiak, ordea, ez dira berri txarrak izan. 2012ko apirilaren erdialdean Sare alaba txikia erditu zuen Iratxe Polen bikotekideak. Preso algortarra maiatzaren 7an izan zen alabatxoa ikusten.

Herrian bat gehiago!

Euskal preso eta iheslari politikoak herrira!

Maiatzaren 16an kalera irtengo da Pol Asensio

Argazkian, 2012ko maiatzaren 7an etxera ekarri zuten Pol, Sare alaba txikia ezagutzeko.

Pol Asensio Millan preso politiko algortarra bi aste barru, maiatzaren 16an, kalera irtengo da, Alacant aldeko Villena espetxeti. Oraindik ez dakigu zein ordutan helduko da Algortara. Adi egon. Horren berri izan bezain laster jakinaraziko dugu. Pol 2007ko azaroaren 30ean atxilotu zuen Espainiako Poliziak, Barrikako bere etxean, Espainiako Auzitegi Nazionalaren aginduz. Hasiera batean Soto del Realen (Madril, Espainia) espetxeratu bazuten ere, Angela Murillo epaileak sententzia irakurri baino egun batzuk lehenago eraman zuten Navalcarnerora (Madril, Espainia). 2008ko urtarrilaren 2an, berriz, Ocaña I espetxera (Toledo, Espainia) eraman zuten, 2007ko abenduaren 27tik egun horretara Valdemoron (Madril, Espainia) izan ondoren. Eta 2008ko irailaren bukaera eta urriaren hasiera artean Alacantera, Getxo udalerritik 823 kilometrora.

Algortarrari 11 urteko kartzela zigorra ezarri zioten, "erakunde terroristako kide izatea" egotzita, 18/98 auzian. Espainiako Auzitegi Gorenak, ordea, zigorra zazpi urte eta erdira murriztu zion. Hala ere, Etxerat elkarteak behin baino gehiagotan aipatu du hilabetero plazaratzen duen txostenean dagoeneko baldintzapeko askatasunean beharko lukeela Pol.

Espetxean zela aita hil zitzaion Poli, 2009ko urtarrilaren 23an. Kanpoan gertatutako guztiak, ordea, ez dira berri txarrak izan. 2012ko apirilaren erdialdean Sare alaba txikia erditu zuen Iratxe Polen bikotekideak. Preso algortarra maiatzaren 7an izan zen alabatxoa ikusten.

Herrian bat gehiago!

Euskal preso eta iheslari politikoak herrira!

Eli Zubiaga eta Iker Rodrigoren absoluzioa aztertuko du gaur Auzitegi Gorenak

Argazkian, 6.000 euroko fidantza ordainduta, 2009ko martxoaren 25ean atera zen Kordobako espetxetik Eli Zubiaga algortarra / cc-by Etengabe.

Espainiako Auzitegi Gorenak gaur aztertuko du, ateak itxita, D3M eta Askatasuneko 11 kideren absoluzioa, Europa Press albiste agentzia espainolak zabaldu duenez. Auzitegi Nazionalak 2012ko ekainaren 18an utzi zituen aske hautes-plataforma eta alderdiko 13 auziperatuak, tartean Eli Zubiaga algortarra eta Iker Rodrigo lutxanarra. Sententzian, akusatuek sufragio aktibo zein pasiborako eskubidea zutela gogoratu zein ETAren interesen aldeko lan egin bazuten ere, hori nahita egin zutenik esateko frogarik ez dagoela argudiatu zuten Manuela Fernandez Prado epaimahaiburuak eta Ramon Saez Valcarcel magistratuak. Nicolas Poveda epaileak bere aldetik, boto partikularra eman zuen, auzipetuak zigortzearen alde. Vicente Gonzalez Mota fiskalak, ordea, helegitea aurkeztu zuen Auzitegi Nazionaleko Zigor Aretoko Lehenengo Atalari igorritako idazki baten bidez. Bere ustez, emandako epaian ez ziren kontuan hartu akusazioak eta defentsak aurkeztutako puntu guztiak eta frogak baloratzean akatsak gertatu direla. Gauzak horrela, Gonzalez Motak berretsi egiten du epaiketan eskatutako zigorrak, sei urte eta bost hilabetetakoak ETAko kideak izatea egotzita, kasu gehienetan (Zubiaga eta Rodrigo barne), eta bost urte erakundeari laguntza ematea leporatuta.

Uribetxebarriaren abokatuak dio "legez kanpokoa" dela epaia "beherala" ez aplikatzea

Iturria: Berria.info

Arantza Aparicio Josu Uribetxebarriaren abokatuak adierazi du epaia irmoa izan arte preso gaxoari baldintzapeko askatasuna ez aplikatzeko erabakia "legez kanpokoa" dela; hala, Espetxe Zaintzako Epaitegiari Auzitegi Nazionaleko epailearen ebazpena berehala aplikatzeko eskatu dio defentsak. 

Epaitegi horretan ohar bat sartu dutela azaldu du preso gaixoaren abokatuak; hura behereala libre uzteko eskatzeko. Haren esanetan, helegiteak jartzeko epea igaro arte ez askatasuna ez aplikatzeko erabakian bere eskumenak gainditzen ditu epaileak. Gainera Donostiako Zaintza Epaitegian Habeas corpus-a eskatzeko prozedura hasi dutela esan du Apariciok; "Urribetxebarria legez kanpo atxikita daukatelako". 

Donostiako Ospitale aurrean egindako elkarretaratzean hitz egin du Apariciok. Atzo gauean Uribetxebarria baldintzapean aske uztea erabaki zuen Jose Luis Castro Espainiako Auzitegi Nazionaleko epaileak. Hala ere, ez da aske aterako gutxienez bost lanegun pasatu arte, helegiterako aukera dagoelako —datorren osteguna—, eta epaia irmoa izan arte ez dutelako askatuko. Libre uzten dutenean ere, baldintza zorrotzak bete beharko ditu. 

Preso gaixoen askatasunaren aldeko martxa deitu dute hainbat eragile ezagunek

Iturria: Berria.info

Argazkian, hainbat eragileek egin duten agerraldia, Donostian.

Gaixotasun larri eta sendaezinak dituzten 14 euskal presoen askatasunaren aldeko martxa deitu dute hamalau gizarte eragile ezagunek. Preso gaixoen "berehalako" askatasuna galdegin dute, "legez eta eskubidez" aske behar zuela nabarmenduz, eta gizarteari dei egin diote ekimen horretan parte hartzera. Asteazkenean, 11:00etan, abiatuko da martxa Donostiako Ospitaletik. Bertan ospitaleratuta dago Iosu Uribetxebarria presoa hilaren hasieratik. 

Ibilaldiak lau etapa izango ditu Gipuzkoako herrietan barrena: Donostiako Ospitaletik Zarautzera, Zarautzetik Debara, Debatik Soraluzera eta Soraluzetik Arrasatera. Deialdia egin duten eragileen artean daude Naroa Iturri, Txaro Arteaga, Nekane Altzelai, Joan Mari Irigoien, Inaxio Kortabarria, Pello Iraizoz, Andoni Egaña, Martxelo Otamendi eta Josu Juaristi, besteak beste.

Gotzon Alcalderi harrera beroa egin diote Sopelan

Iturria: © Sopela.net

Larunbat arratsaldez, espetxetik atera berri den Gotzon Alcalde Sopelara heldu eta bertan harrera beroa egin zioten. Gotzonek ere han bildutako guztiak gertutik agurtu zituen eta oso giro hunkigarria eta gertua sortu zen. Aurreskua, luncha eta besarkada ugari egon ziren. Sopelako lehenengo gaztetxearen bultzatzailea izan zen Gotzon eta oraingo Sekeko gaztetxera joan zen bildutako jendeaz lagundurik. Bertan ere harrera polita egin zioten.

Gernikako Akordioaren balorazioa Oihana Agirreren atxiloketaren aurrean

Gernikako Akordioa sinatu dugun eragileok Oihana Agirre atxilotu izanaren aurrean honakoa adierazten dugu:

- Oihanari eta bere familiari gure babesa eta elkartasuna helarazi nahi diegu lehenik eta behin.

- Oihana Agirrek Gernikako Akordioa sinatu zuen AAM -ko ordezkari gisa. Gernikako Akordioak jasotzen dituen printzipioekiko eta marrazturiko bide orriarekiko konpromiso osoa erakutsi du Oihanak. Horrez gain, Oihana Agirrek zuzenean parte hartu zuen Aieteko konferentzian. Azken batean, Euskal Herrian konponbide osoa eman dadin eta bake egoera bat ezar dadin lan egin du Oihanak, akordio honetan biltzen garen beste eragile askorekin batera.

- Oihana Agirre zortzi urteko kondena bete dezan atxilotzea, eskubide politikoen aurkako eraso larria da. Areago, testuinguru politiko honetan, bakea eta konponbidea eraikitzeko prozesuaren aurkako erasoa da. Kondena eta atxilotze honek ez dute inolako heldulekurik, ez eskubideen ikuspegitik, ez justizia ikuspegitik, ez eta demokrazia ikuspegitik ere.

- Euskal Herrian konponbide osoa eman dadin lanean jarraituko dugu. Ibilbide horretan, pertsona guztien eskubideak errespetatuak izateak eta prozesu demokratikoa galarazten duten egoerak desagertzeak lehen mailako erronka izaten jarraitzen du.

- Bukatzeko, Oihana atxilotu izana salatzeko antolatu diren mobilizazioetan parte hartzeko deia egiten diegu herritarrei. 

Mila esker