Bihar, asteartea, Algortako Herriraren bigarren batzar irekia!

Kaixo lagun,

Aurretik Etxerat elkarteak eta azken hilabeteotan Egin Dezagun Bidea ekimenak suspertutako garretik argitu berri da Herrira mugimendua.

Preso eta iheslarien defentsa eta etxeratzearen aldeko mugimendu berri, ireki, zabal, anitza eta parte hartzailea da Herrira; indar metaketa eta amnistia helburu dituena. Presoen eskubideen urraketak salatuko ditu, muturreko egoerei lehentasuna emanez, elkartasuna landuko du, asistentzia juridikoa, medikoa… Algortan ere abian gara. Asmo handiko erronka du Algortako Herrira bilguneak, baina ilusio handiz jaio da eta pausoz pauso, guztion ekarpenarekin lortuko dugu.

Ekimen herritar honen abiapuntu bezala, martxoaren 13an egin genuen lehen batzar irekia. 50 lagun batu ginen bertan.

Egun horretan bertaratutakoak eta beste horrenbeste biltzea espero dugu apirilaren 3an, arratsaldeko 8etan Aldai Patronatuan, egingo dugun hurrengo batzar irekian. Guztion zaudete gonbidatuta.

Hala ere gogoratzea asteazkenero arratsaldeko 7etan Aldai Patronatuan biltzen garela.

Ekimen herritarra dela esan dugu, beraz inoiz baino garrantzitsuagoa da guztion ekarpena. Edozein ideia berri ongi etorria izango da beraz animatu eta parte hartu.

Algortako Herriraren batzar irekia:

Eguna: apirilak 3, astearte

Ordua: 20:00

Tokia: Aldai Patronatua (Karitate kalea 1, Algorta)

Mila esker zure arretagatik.

Apirilaren 3an, asteartea, Algortako Herriraren bigarren batzar irekia!

Kaixo lagun,

Aurretik Etxerat elkarteak eta azken hilabeteotan Egin Dezagun Bidea ekimenak suspertutako garretik argitu berri da Herrira mugimendua.

Preso eta iheslarien defentsa eta etxeratzearen aldeko mugimendu berri, ireki, zabal, anitza eta parte hartzailea da Herrira; indar metaketa eta amnistia helburu dituena. Presoen eskubideen urraketak salatuko ditu, muturreko egoerei lehentasuna emanez, elkartasuna landuko du, asistentzia juridikoa, medikoa… Algortan ere abian gara. Asmo handiko erronka du Algortako Herrira bilguneak, baina ilusio handiz jaio da eta pausoz pauso, guztion ekarpenarekin lortuko dugu.

Ekimen herritar honen abiapuntu bezala, martxoaren 13an egin genuen lehen batzar irekia. 50 lagun batu ginen bertan.

Egun horretan bertaratutakoak eta beste horrenbeste biltzea espero dugu apirilaren 3an, arratsaldeko 8etan Aldai Patronatuan, egingo dugun hurrengo batzar irekian. Guztion zaudete gonbidatuta.

Hala ere gogoratzea asteazkenero arratsaldeko 7etan Aldai Patronatuan biltzen garela.

Ekimen herritarra dela esan dugu, beraz inoiz baino garrantzitsuagoa da guztion ekarpena. Edozein ideia berri ongi etorria izango da beraz animatu eta parte hartu.

Algortako Herriraren batzar irekia:

Eguna: apirilak 3, astearte

Ordua: 20:00

Tokia: Aldai Patronatua (Karitate kalea 1, Algorta)

Mila esker zure arretagatik.

Euskal Presoak Euskal Herrira Eguna bihar Itzubaltzetan

Herrira: "Sarkozy jaunak gaur Itsasun egindako adierazpenen harira"

“Euskal presoen hurbiltzea desiragarria dela” esan du Frantziako Presidenteak eta UMP alderdiko hautagaiak gaur Itsasun. Berriki Frantziar Estatuko Asanblada Nazionalak hartutako erabakiarekin sintonian daude Sarkozy jaunak egindako adierazpenak.

Ezaguna da euskal jendartearen gehiengo zabal batek adostasun handia adierazi duela euskal preso politikoen euskal herriratzeari dagokionean. Beraz, bai Sarkozy jaunari, bai Frantziar Gobernuan ardurak dituzten orori hitzetatik ekintzetara pasatzea eskatzen diegu.

Euskal jendartearen gehiengo zabal batek eskatzen duenaren norabidean doaz adierazpen hauek, baina hitzetatik aplikazio praktikora doan bidea garatzea ezinbestekoa dela deritzogu.

Iragan den urtarrilaren 7ko herri mobilizazio erraldoiaren ondoren, hainbat ordezkari instituzional eta eragileek euren diskurtsoa aldatu dute presoen gaiari dagokionez. Orain, garaia da -presoek pairatzen dituzten giza eskubideen urraketaren larritasunagatik eta euskal jendartearen gehiengo zabal batek hala eskatzen duelako adierazpen hauek isla praktikoa izan dezaten.

Eskerrik asko

Herrira

herrira.org

Berria.info: Euskal presoak hurbiltzea "desiragarri" dela adierazi du Sarkozyk, Itsasun

LAB: "Azken ostirala dela eta Herrira mugimenduak ospitale zein herrietan antolatutako mobilizazioetan parte hartzeko deia egin dugu"

Argazkian, "Euskal presoak Euskal Herrira! Euskal presoak lantokietara!" lelopean, 35 gizon-emakumek egin zuten elkarretaratzea otsailaren 2an, Algortan, LABek deituta / cc-by ukberri.net

Datorren ostiralean, hilak 24, mobilizazioak burutuko ditu Herrira mugimenduak ospitale zein herrietan eta auzoetan. Eguerdiko 12etan burutuko dira ospitaleetako kontzentrazioak, Basurton (Bilbo), Donostian, Virgen del Caminon (Iruñean) eta Santiagon (Gasteizen). Arratsaldez, ohiko mobilizazioak burutuko dira herri eta auzoetan. Mobilizazio hauen bidez gaixotasun larriak dituzten presoak aske uzteko aldarrikapena zabalduko da.

LABen ustez, muturreko espetxe egoerak gainditzeak izan behar du lehentasuna. Eta horrek, bete-betean, gaixotasun larriak dituzten euskal preso politikoez hitz egitera garamatza.

Igandean, Herrira mugimenduaren aurkezpena Kursaalen. Zuretzat ere lekua dago, zatoz!

Euskal presoen aldeko bilgunea eratuko dute bihar Itzubaltzetan

Argazkian, Beristain atxilotu zuten egunean / cc-by ukberri.net

Bihar, ostirala, euskal preso politikoen aldeko Itzubaltzeta / Romoko herri bilgunea jendaurrean aurkeztuko da. Hitzordua herriko kultur etxean jarri dute, arratsaldeko 7:30ean eta bertaratzeko deia egin diete auzokide guztiei, "zuen ekarpenak, iritziak eta lanerako gogoak lan talde honen zutabeak definituko dituztelako". Antolatzaileek jakinarazi dutenez, herri bilguneak "era askean egingo du lan". Xedeei dagokienez, "euskal preso politikoen askatasuna eta hauen eskubideen defentsa" lortzea izango dituzte helburu. Haien ustez, egun bizi den giro politikoa dela eta, "orain da momentua euskal presoen problematikari inoiz baino indar handiagoz ekiteko". Euskal preso politiko guztiak hizpide izango badituzte ere, arreta berezia jarriko diete Iñaki Gonzalo Casal "Kitxu" eta Imanol Beristain auzokide gatibuei.

Urteko azken ostirala ikaragarria izan zen Algortan! Larunbateko manifestazioa kolosala izango da!

Etxerat: "Espetxe politikak oraindik ere errepresio, erabilpen eta mendeku klabeetan jarraitzen du"

Argazkian, atzo eman zuten prentsaurrekoa / © Etxerat

2012aren hasierarekin batera, balantzea egiteko unea da. Etxerat Elkarteak egun indarrean dagoen espetxe politikak uzten dituen datuak eta ondorioak jendarteratu eta salatuko ditu gaur. Eta lehen baieztapena argia da: Indarrean dagoen espetxe politikak, euskal preso poltikoei salbuezpenez ezartzen zaiena, oraindik ere errepresio, erabilpen eta mendeku klabeetan jarraitzen du.

Sakabanaketak bere horretan segitzen du eta egun dauden 665 euskal preso politikoak 7 Estatu ezberdinetako 71 espetxetan dispertsatuta daude. Horietako zortzi bakarrik daude Euskal Herrian. Egoera honek kalte fisiko, psikologiko eta ekonomiko handiak dakartza. Horren eredu dira aurten euskal presoen senide eta lagunok pairatu ditugun 13 istripuak. Eta, azken 22 urtean, 400 dira pairatu ditugun auto ezbeharrak. Horien ondorioz, 16 senide eta lagun hil dira.

Bidaien joan etorriak eta espetxe politikak eragiten dituen gastuak altuak dira, hilero familia bakoitzak 1500 eta 2000 euro arteko gastuari aurre egin behar dio. Odoluste ekonomiko nabarmena da hainbat familiarentzat, are gehiago krisi garai latz hauetan.

Euskal preso politiko eta iheslarien etxerako bidea argiztatuz

Egin Dezagun Bidea ekimenarekin bat eginez, 350 gizon-emakume inguru elkartu gara gaur iluntzean Algortan, euskal preso eta iheslari politikoen eskubideak aldarrikatzeko asmoz. Urteko azken ostirala izanik, urtean zehar, hilabetez hilabete, deialdia zabaldu duten eragileak batu ditu Telletxen Algortako Herri Bilguneak, besarkada berezia eskainiz gatibuen senideei. Kriseilu bana eskuan, kolektibo guzti horiek osatutako "Hator etxera" leloa, kantaz jantzi dute plazan bildutako guztiek. Bitartean, hogei solidariok urtarrilaren 7ko Bilboko manifestaziora deitzeko pankarta zabaldu eta bengalaz "argiztatu" dute preso eta iheslarien etxerako bidea.

Getxo udalerriko 21 presoen argazkiak agerian zeudela, banan-banan osatu dute "Hator etxera" leloa, urtean zehar gatibuen eskubideen alde lan egitera konprometitu diren herriko eragileak: Koska irratiak, txalapartariek, Ukberri.net agerkari digitaleko kideek, euskalgintzako langileek, dantzariek, Itsasoruntz ekimenak, gazte auziperatuek, San Nikolas ikastolako langileek, musikariek, herriko gazteek eta presoen senideek irudien atzean hartu dute tokia, kriseilu bana eskuan. Izan ere, preso eta iheslari politikoen etxeratzea aldarrikatzea zen urteko azken ostiraleko elkarretaratzearen ardatz nagusietako bat. Urtarrilaren 7ko manifestaziorako deia, berriz, bideo bidez hainbat algortarren atxikimendua adieraziz eta Algortako bizilagun izandako Jone Lozanoren amak idatzitako gutuna irakurriz zabaldu dugu.

Hurrengo deialdiak

Larunbaterako bi hitzordu izango dira Algortan: goizez, Txus Martin preso basauritarraren aldeko martxarekin bat egiteko autobusa abiatuko da goizeko 9etan Faduratik. Uribe Kosta mailako garraioa Zaballako espetxera joango da. Bertan, 10:30ean jarri dute hitzordua. Ohiko lekuetan izena eman daiteke. Eta arratsaldean Gabon Zaharreko poteoa 18:30ean Amnistia tabernatik abiatuta.

Guztion elkartasun eta elkarlanaren bidez, Egin Dezagun Bidea.

Gazte 1 gehiago ez!

Preso gaixoak etxera!

3/4ak bete dituzten presoak kalera!

Biziarteko espetxe zigorrik ez!

Euskal preso eta iheslariak etxera!

Isolamendu eta bakartzearekin amaitu!

Asteazkenean udaletxean elkartzera deitu du Getxoko Bilduk

Abenduaren 14ean, asteazkena, Euskal Herriko herri eta hiri ezberdinetan kontzentrazio, baraualdi eta ekitaldi ezberdinak izango dira, urtarrilaren 7an Bilbon izango den manifestaldira dei eginez. Algortako Herri Bilgunearen laguntzaz, Getxoko Bilduk "Tortura Euskal Herrian" dokumentala emango du 11:00etan eta, ondoren, 12:30ean kontzentrazio bat izango da Getxoko udaletxeko sarrera nagusiaren aurrean. Beraz, asteazkenean, abenduaren 14ean, goizeko 11etan, udaletxeko sarrera nagusian bil gaitezen. Bidea Egin Dezagun eta gu guztiokin urtarrilaren 7an kolosala izango da!

EPPK: "Euskal presoak Euskal Herrira orain!"

Euskal Preso Politikoon Kolektiboak euskal gizartearekin bere ekimen eta gogoetak konpartitu nahi ditu agiri honen bidez:

Ospakizun, aldarrikapen eta salaketa egunak

Nazioarteko Giza Eskubideen Eguna abenduaren 10ean. Halako egunik bada, eskubideak urratzen direlako da, han eta hemen, nonahi. Gurean franko, hizkuntza eta kulturatik hasi eta eskubide politiko oinarrizkoetaraino, euskal presook pairatu behar dugun jazarpen eta beheramenduetatik pasatuz. Egun aproposa urraketen salaketa egiteko.

Euskararen Nazioarteko Eguna abenduaren 3an, ospakizun eta errebindikazioa uztartuz. Egun seinalatu bera, Nafarroaren Eguna, ospakizun eta aldarri hau ere. Lingua navarrorum esamolde zaharra, euskaldunon hizkuntza, nafarron hizkuntza. Herri bat. Euskalgintza eta herri osoarekin bat gatoz gure hizkuntzaren aldeko mobilizazioan. Garai berriak hizkuntza eta kultur eztanda ekarri behar du, auzo eta herrietatik instituziotaraino, norbanakotik gizarte osoraino. Hizkuntzak lurraldea behar du, egitura juridiko politikoa, eskubideak. Non euskaraz, han Euskal Herria. Euskara ofiziala lurralde osoan!

Kontrara, Espainiako Konstituzioaren Eguna abenduaren 6an. Inposaketaren hautua egiten jarraitzen dutenek ospatu dute. Guk lerrootatik, Herri gisa dagozkigun eskubideak errebindikatzen ditugu gure herriko sektore zabalarekin batera eta ukazioa salatu. Presoarentzat bezala ziega da Konstituzio espainiarra Euskal Herriarentzat. Zerrailaren gakoa eskuan dugu!